संविधान र गणतन्त्र

-ईन्दु बश्याल ‘प्रकृति’

आमाको आँशु, गरिवको बेहाल, शहीदको त्यो यात्रा

के गर्ने छाड्ने त्यही वेला चल्थ्यो कुकुरको यहाँ जात्रा ।

ती सारा आज लेखिनु पर्छ सत्य कथा व्यथा

अनी मात्रै हुन्छ सार्थक संविधानसभा ।

लौ, आज त मिर्मीरे विहानी भैसकेछ ,

पुर्वमा रवि उदाउनै थालेछ,

सगरमाथामा कुन बहादुरले फेरि झण्डा गाडेछ,

माछापुच्छ्र्रे«ले ओँठ खोलीसकेछ,

क्रान्तिकारिको गीत गुञ्जिसकेछ,

ए । अव त नसुत, व्युझ न आँखा खोल अनी संसार हेर त

संविधान वन्ने दीन आईसकेछ ………।।।।

आज त हामी……

हाम्रो ईतिहाँस कार्न जानु छ ,

गगनचुम्वि नारा घन्काउनु छ ,

शहीदको मन्दिरमा पुजा गर्नु छ ,

बुद्धको बाटोमा फूल रोप्नु छ ,

युगले मागेको नेतृत्व खोज्नु छ ,

अनी पापीष्ट रावण संग बदला लिनु छ ,

अव त …

वास्तविक संविधान बन्नु पर्छ,

कानुनको कानुन बन्नुपर्छ…

हजारौं शहीदको सपना साकार हुनुपर्छ ,

किनारको वालक स्कूल पुग्नु पर्छ…

पसिना र परिश्रमको हिसाव हुनुपर्छ…

सत्यतावादको ताल्चा खोल्नु पर्छ…

जुँला, हुम्ला पनि काठ्माण्डौ बन्नु पर्छ..,

भ्रष्टाचारि शासकलाई कडा सजाय दिनुपर्छ ,

पझेरो, प्लेन चढ्ने पनी पैदल हिड्ुपर्छ…

महल र झुपडी समान हुनुपर्छ…

नेता र जनता समान हुनुपर्छ…

मानवीय स्वतन्त्रता सवले पाउनु पर्छ…

अनी मात्रै सार्थक संविद्यान बन्छ,

त्यो मात्रै सच्चा गणतन्त्र हुन्छ …।।

तर, प्रतीगामी जाल बुन्न सक्छन्,

कालो ग्रहण भै प्रकाश छेक्न सक्छन् ,

निर्दोषी जनतालाई गोली ठोक्न सक्छन् ,

अन्तिम चोटी आगै बाल्न सक्छन् ।

त्यसैले,

तिन्लाई परास्त गर्नु छ , ध्वस्त पार्नु छ ,

तिमी कलम त म मसि बन्नु छ ,

तिमी बन्दुक त म बारुद वन्नु छ ,

तिमी राम त म सिता बन्नु छ ,

तिमी लेनीन त म भुटटो बन्नु छ ।

अनि तिमी बुद्ध त म मोनालिसा वन्नु छ , ।

अत. आउ हामी एकजुट हौ,

संगै सहयात्रा गरौं,

संघर्षका शिखरहरु चढौं,

त्यँहा मात्र सार्थक संविधान बन्छ ,

विश्वको ईतिहाँसमै सच्चा गणतन्त्र हुन्छ ,

२१ औं युगको नयाँ नेपाल हुन्छ ,

यो भुमी बल्ल पवीत्र हुन्छ ,

अनी मात्रै हाम्रो महान विजय हुन्छ ,।।।।।।